Albisteak

Udako kultur eta kirol egitaraua osatzeko asmoz, bilera deitu du ostegunerako Udalak. Hasiera batean bilera asteazkenean egitea pentsatzen zen baina azkenean ostegunean izango da, maiatzak 20, arratsaldeko 19:00etan, Kultur Etxeko atarian. Saio horretan herritarren esku artean dituzten ekimenen datak zehaztuta eramatea komeni da eta gustuko dituzten proposamenak ere helarazi beharko zaizkio kultur teknikariari.

Udalaren helburua ekainetik urrira bitartean hogei bat emanaldi antolatzea da. Iaz egin zen moduan, ume eta gaztetxoentzako aukera zabala prestatuko dela azaldu du Udalak: “Ikus-entzunezko bat edo beste izarpean ikuzteko aukera izango da, eta jakina, musikak tarte berezia izango luke. Kirolak ere izango du bere lekua udako ekitaldi horietan”.