Albisteak

Udal Liburutegia goiz eta arratsaldez egongo da zabalik azaroaren 2tik aurrera

Zestoako Udal Liburutegia goiz eta arratsaldez irekiko da azaroaren 2tik aurrera. Hala jakinarazi berri du Udalak. Egunean sei orduz izango da zabalik liburutegia aurrerantzean, goizeko 10:00etatik 13:00era eta arratsaldeko 17:00etatik 20:00etara.

Ikasgela zerbitzua martxan

Ordutegia zabaltzearekin batera, ikasgela zerbitzua berriro martxan izango dela jakinarazi du Udalak. Liburutegia irekita dagoen orduetan erabili ahal izango da zerbitzua. Goizetan, liburutegia herritarrentzat 10:00etan irekiko bada ere, ikasgela zerbitzua goizeko bederatzietatik aurrera erabiltzeko aukera izango da, beti ere aurrez eskaera eginez gero.




https://danbolin.eus/wp-content/uploads/2024/05/azokad_Mesa-de-trabajo-1-scaled.jpg