Albisteak
Urola Ikastolaren 50. urtea ospatzeko “ikasle ohien eguna” antolatu dute
— 2016-03-30Urola Ikastolak 50 urte bete ditu. Hori dela eta, aurtengo ikasturtean hainbat ekintza ari dira egiten ikastolaren 50. urteurrena ospatzeko. Ospakizun horien barruan “Ikasle ohien eguna” ospatuko da Azpeitin apirilaren 9an.
Ikasle ohien egunerako bi ekimen antolatu dituzte. Ikasle ohien bazkaria eta kontzertua. Ikasle ohien bazkaria Kiruri jatetxean izango da, apirilaren 9an 14:30ean hasita. Bazkarirako txartelak 25 euroko prezioa du, txartelak Zestoako Txoko Txiki kafetegian eskuratu daitezke.
Eguna borobiltzeko Jotakie, Direccion Obligatoria, Jo! eta Lin Ton Taun taldeen kontzertuak izango dira Azpeitiko San Agustin Kulturgunean. Kontzerturako txartelak kulturgunean bertan edo kulturgunearen webgunean ere erosi daitezke.
Irakurle, gure webgunean albiste hau irakurri baduzu, publizitate eta
erakundeen diru laguntzez gain, urtero 30 euroko diru ekarpena egiten
duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure
ekarpena egiten jarraitu nahi dugu. Proiektua sendotzen lagundu nahi
baduzu, egin zaitez bazkide.
Egin zaitez bazkide
Egin zaitez bazkide