Albisteak

Urrezko Aizkolariak lehiaketa egingo da igandean Iraetan

Datorren igandean, urtarrilaren 21ean, Urrezko Aizkolariak Txapelketa egingo da Iraetan. Santaines festen egitarauaren baitan, hainbat froga izango dituzte parte-hartzaileek euren erresistentzia fisikoa eta teknikoa probatzeko. Arratsaldeko 17:30ean izango da zita Txikito de Iraeta pilotalekuan.

2024ko Urrezko Binakako Aizkolari Txapelketan, “Eusko Label Saria” kategoriakoa, Hodei Ezpeleta eta Jokin Urretabizkaia “Basozabal”, Julen Gabirondo eta Xabier Zalduaren aurka lehiatuko dira. Hauen lanak 20 enbor eta 6 zakera izango dira.

Errota Harri Jasotze Txapelketan, Gari Garmendia, Xabat Olaizola, Beñat Telleria eta Inhar Urruzuno arituko dira. Lehiaketa honetarako hautatutako harriak 107,2 kilogramo pisatzen du eta forma borobilekoa izango da.

Emakumezkoen kategorian, Banakako Harrijasotzaile Txapelketan Lierni Osak eta Maddi Gesalaga arituko dira aurrez aurre.

Azkenik Gazteen Banakako Aizkolari Txapelketan Kimetz Alzola, Kimetz Oinederra “Aittola”, Igoin Pikabea eta Jon Zaldua ikusiko ditugu aizkoran.




Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide