Azaroa 2025
— 2025-12-03Irakurri 276. zenbakia hemen.
Albisteak
Urriaren 10ean amaituko da Zestoako futbol eskolan izena emateko epea
Danbolin— 2025-09-262025-2026 denboraldiko Zestoako futbol eskola martxan da, eta antolatzaileek aurtengo eskaintza jakinarazi dute. Saioak asteazkenetan izango dira, benjamin mailakoentzat (2016-2017an jaiotakoak) 17:00etatik 18:15era, eta alebin mailakoentzat (2014-2015ean jaiotakoak) 18:30etik 19:45era. Entrenamenduak pasa den asteazkenean, hilaren 17an, hasi ziren eta maiatzaren 27an amaituko da denboraldia.
Parte hartzeko 130 euroko kuota bakarra ordaindu beharko da ikasturte osorako. Antolatzaileek adierazi dute kuota ordaintzeko erraztasunak egongo direla. Futbol ekipamendua aparte ordaindu beharko da, baina aurrekoak ere balioko du.
Antolatzaileek eskola kirolean parte-hartzera gonbidatu nahi dituzte haurrak, “frogatuta dagoelako onurak dituela kirol ezberdinak egiteak”. Izen-ematea urriaren 10era arte egongo da zabalik, eta lehendik izena emanda daudenek ez dute berriz egin beharrik. Berriak diren parte-hartzaileek, berriz, WhatsApp mezua bidali beharko dute 646 416 484 edo 615 751 372 telefono zenbakietara.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide
Egin zaitez bazkide
