Abendua 2025
— 2025-12-29Irakurri 277. zenbakia hemen.
Albisteak
Urte amaiera ate joka dela eta San Silbestre lasterketa iragarri du udalak
Danbolin— 2024-12-18San Silbestre lasterketa herrikoiarekin agurtuko da 2024a Zestoan. Abenduaren 31n, 17:00etan, herriko plazan hasi eta bertan bukatuko dute froga parte hartzaileek. Adinaren arabera, ibilbide ezberdinak izango dira.
Izen-ematea dohainik eta sariak guztientzat
San Silbestre lasterketan parte hartzea doakoa da. Txikienetatik hasi eta eskarmentu handiko korrikalarietaraino, denak daude kirol jardunaldi honetan parte hartzera gonbidatuta. Gainera, irabazleentzat ez ezik, parte-hartzaile guztientzat ere sariak egongo dira. Izen-ematea egunean bertan 16:00etatik 16:15era egongo da zabalik.
Adin guztietarako ibilbidea
San Silbestre lasterketaren ibilbidea adin guztietara egokitzen da. 10 urtera arteko umeek, 200 metroko ibilbidea izango dute, eta 10-15 urteko gazteek, berriz, 1000 metroko ibilbidea. 16 urtetik gorako parte-hartzaileek, 3.000 metroko ibilbidea osatu beharko dute.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide
Egin zaitez bazkide
