Albisteak

VIII. Ardo dastaketa antolatu du Laiak dendak apirilaren 1erako

— 2023-03-16

Laiak dendak zortzigarren ardo dastaketa antolatu du datorren apirilaren 1erako. Eguerdiko 12:30etatik 14:30era izango da hitzordua, kiroldegiko aterpean. Hamaika upategik hartuko dute parte: Aimarez, Guzman Aldazabal, Monteabellon, Rioja Bordon, Garcia de Olano, Aitaren, Caecus, Ondalan, Zudugarai, Ramon Bilbao eta Mazuela izango dira bertan.

Edateaz gain, bapo jateko aukera ere egongo da. Lopene harategiko, Basatxerriko eta Maisorreko produktuez gozatu ahalko dute bertaratzen direnek. Musika ere ez da faltako, Ustekabe txaranga izango da giroa alaitzen.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide