Albisteak

Xiberoako ikastolen aldeko saskia eskatzeko aukera Portalen

— 2024-11-10

Aurten ere Portalen, Xiberoako ikastolen aldeko saskia eskatzeko aukera izango da. Azaroaren 22a aurretik pasa behar da Portale kulturgunetik eta eskaera bertan egin. Saskiak iristen direnean abisua pasako dute.

Xiberoan dauden bi Ikastolek Eguberriko otarreak eskaintzen dituzte Zuberoako Ikastolak beraiek aurrera atera ahal izateko, eta bertako ekoizle eta produktuak ezagutzera eman eta laguntzeko.

Hiru saski daude aukeran:

Pettarra (50€): Ahate gibel berrosatua, eztia, bixkotx artisanalak, ardi gazta kiloa eta pastak.
Arbaila (57€): Eztia, bixkoty artisanalak. kilo erdiko bi ardi gazta, bixkotx gatzatuak,erreximenta, pastak eta tisana.
Basaburua (68€): Xerriki patea, bixkotx artisanalak, Ardi gazta kiloa, xahalki axoa, lukainka idorra eta pastak.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide