Albisteak

XIX. Ibilaldi Neurtuan aurrez izena emateko epea ostiralean amaituko da

Igande honetan izango da Agiro Mendi Klubak antolatutako Ibilaldi Neurtuaren XIX. edizioa. Urtero legez, bi ibilbide izango dira; luzea 28 km-koa, goizeko 7:00etan aterako dena eta motza, 19 km-koa, goizeko 8:00etan aterako dena. Klubeko kideek aurrez izena emateko azken eguna ostiralean izango dela ohartarazi dute. Parte hartu nahi dutenek hilaren 14a baino lehen eman beharko dute izena herrikrosa.com webgunean, 12 euroren truke. Egun berean ere izena emateko aukera egongo da, 15 euro ordainduta.

Ikusi joan den urteko ibilaldi neurtuko argazkiak hemen.