Albisteak

‘Zatoz Zestoako enarak ezagutzera!’ hitzaldia eskainiko dute Aranzadiko ornitologia saileko kideek bihar, asteartea, arratsaldeko 18:00etan Alonderoko kultur aretoan. Saioan, enara espezie ezberdinak ezagutu eta Zestoan martxan jarriko duten proiektuari buruz arituko dira. Izan ere, Zestoako Udalak Aranzadiren Enarak proiektuan parte hartuko du eta egitasmoaren nondik norakoak azalduko dituzte biharko hitzorduan.

Proiektuaren helburua hiri biodibertsitatearen garrantziaz eta espezie intsektujale horien kontserbazioaz herritarrak sentsibilizatzea eta kontzientziatzea da. Egitasmoa gauzatu ahal izateko Aranzadiko ornitologia saila boluntario bila dabil, sorbeltz eta enara azpizurien habiak erroldatzeko. Boluntarioek gaiari buruzko prestakuntza jasoko dute hegaztiak bereizten erraz ikastiko. Aranzadiko kideen arabera hegazti espezie horien habiak funtsezkoak dira beren populazioak bizirik irauteko eta, beraz, suntsipena hilgarria da haientzat.