Zestoa 2020-2030

Zestoako Ehbilduk hausnarketa aro bati ekingo dio, 2020-2030 hamarkadara begira herri bezala ditugun erronkei erantzuteko helburuz. Ehbilduren ustez Zestoak egun bizi duen noraezari aurre egin eta herriko eragileekin gure herria etorkizun hurbilean nola eraiki eta antolatu behar den pentsatu eta eztabaidatu behar da.

XXI. mendeko Zestoak behar dituen kultur eta hiri ekipamenduak, ingurugiroa, herritarren eskubide sozialak nola bermatu, zestoan bizi eta lan, landa eremua, auzoak… Finean, Zestoak biziberritzeko daukan premiaz arduratuta dauden herritarrekin batera, nolako Zestoa eraiki nahi dugun hausnartzera goaz.

Lehen ekitaldia datorren asteazkena martxoak 21, arratseko 19­:00etan, Zestoako Kultur Etxean (lehen gaztelekua zen gelan) izango da.




Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide