Albisteak

Zestoako Arte Eszenikoen Eskolan izena emateko epea, zabalik

— 2022-09-13

2022-2023 ikasturterako matrikulazio epea zabaldu du Zestoako Arte Eszenikoen Eskolak. Haur, gazte eta helduentzako antzerki saioak eskainiko dituzte. Aurten egile ikastaroak ere eskainiko ditu Eromenek. Haur eta gazteen taldean zirku tailerra eskainiko dute Zirkuolaren eskutik, eta horrez gain, helduen taldean ahotsa eta pertsonaia lantzeko tailerrean izena emateko aukera ere egongo da. Ander Lipusek eskainiko du ahotsa eta pertsonaia lantzeko tailerra, eta hiru eguneko iraupena izango du.

Saioak urrian hasi eta ekainean amaituko dira. Informazio gehiago eskuratu edo izena emateko eromenprodukzioak@gmail.com helbidera idatzi edo 658739032 telefonora deitu beharko da. Izena emateko azken eguna irailaren 29 izango da.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide