Albisteak

Azaroaren 23tik 28ra bitartean Zestoako Denden Astea izango da. Zestoan Merkatari Elkarteak antolatuta hainbat ekimen izango dira herritarrentzat. Honakoa da elkarteak antolatutako astearen egitaraua:

• Azaroak 23, 15:00etan Mamen Estetika dendan “Elikadura osasuntsua” hitzaldia Leire Garate dietista-nutrizionistaren eskutik.
• Azaroak 23, 18:30ean Udaleko pleno aretoan, “Zorriak sendatzeko terapia” hitzaldia eskeiniko du Ileana Rosechak.
• Azaroak 24, 18:00etan La Huertan dendan, “Ireki begiak, buruz erosi” hitzaldia.
• Azaroak 24, 19:30ean Udaleko pleno aretoan, “Lehen urratsak sarean, gure gaztetxoak seguru dabiltza?” hitzaldia Kote Arretxe adituaren eskutik.
• Azaroak 25, Karmele ileapaindegira 17:00etan joaten diren lehen bi gizonezkoei ilea dohain moztuko zaie.
• Azaroak 25, 19:30ean Udaleko pleno aretoan, “Datu pertsonalak nola babestu zure mugikorrean” hitzaldi-tailerra.
• Azaroak 26, 18:00etan La Huertan dendan, “Abre los ojos, compra con conciencia” hitzaldia.

Ostiralean “Bezeroen festa” izango da

Astean zehar 8 otarren zozketarako boletoak oparituko dira dendetan. Zestoan txartelaren erabiltzaileei erosketa poltsa bat oparituko zaie. Ostiraleko pintxo eta denden zozketako txartelak ere banatuko zaizkie bezeroei, eta eskolako haurrek herriko dendak ezagutzeko aukera izango dute.

Horrela, ostiralean, “Bezeroen festa” ospatuko da 20:00etan arkupeetan. Bertan, otarren zozketako zenbakiak aterako dira, “herria eta dendak” argazkien erakustaldia izango da eta dendek eskeinitako artikuluak zozketatuko dira bertara azaltzen direnen artean. Guzti hori girotzeko, pintxoak, musika eta bertsoak izango dira.

Larunbat goizean emango zaio amaiera denden asteari haurrentzako denda-tourrarekin.