Albisteak
Zestoako errege kabalkadaren ibilbidea iragarri dute
— 2023-01-05Zestoako errege kabalkadaren antolatzaileek Meltxor, Gaspar eta Baltasarrek egingo duten ibilbidea iragarri dute. Akoako aldapan hasiko da kabalkada, arratsaldeko 18:30ak inguruan. San Juan egoitzako Milagrosa kaperan geldialdia egingo dute aurrena, Jesus haurtxoari mirra, urrea eta intsentsua eskaintzeko. Ondoren, Gisasola egoitzara abiatuko dira, Gesalaga kaletik. Gisasolatik irten ostean, plazarantz joango dira, Toribio Altzaga kaletik, eta Erdikaletik igoko dira. Elizan haurren eskutitzak jasoko dituzte.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide