Albisteak

Zestoako Udaleko Gazteria Sailetik ekintza ezerdinak antolatu dira datozen egunetarako.

Gaur, urriak 19, haurrentzako yoga tailerra izango da Yamelli Prietorekin, 17:00etan. Saio hauek hilean behin izango dira Kiroldegiko goiko gelan eta 6 urtetik gorako haurrei zuzenduta daude. Jolasaren bitartez arnasa hartzen ikastea, kontzentrazioa lantzea eta haurrek lasaitzen ikastea izango da helburua.

Urriaren 21ean Kometa tailerra egongo da gaztelekuan. 6 urtetik gorako haurrei zuzenduta dago eta tailerrean parte hartzeko aurrez izena ematea beharrezkoa da, plaza mugatuak baitaude. Bi txanda egongo dira: 17:00-18:00 eta 18:00-19:00. Izena emateko gaztelekura hurbildu behar dute interesatuek, ala 688 684 029 telefonora deitu. gazteria@zestoa.eus helbidera idatzita ere eman daiteke izena.

Urriaren 23an, ostirala, ipuin-kontaketa egongo da liburutegian, Kontaidazu Ipuin Bat ekimenaren baitan. Kontaketa 17:30tan izango da, eta kontalaria Maider Arregi izango da. Ekimen honekin herritarrak haurrei ipuinak kontatzera gonbidatzen ditugu, eta animatzen direnei Pello Añorga ipuin-kontalariak formazio-saio bat ematen die.

Ekintza horietaz gain, Guraso-Eskola ere martxan hasiko da. Urriaren 21ean, asteazkena , eta urriaren 29an, osteguna, guraso-eskolak egongo dira Arroabean eta Arroagoian hurrenez hurren, Izar Arregi psikologoarekin. Bertan, Doluari buruz hitz egingo da. Guraso-eskolak 18:30tan izango dira.

Bestalde, Barbantxo Aisialdi Taldeak ere, pasa den astean hasi zuen ikasturtea. Aizarnan, Iraetan, Arroabean eta Zestoan izan ziren ekintzak. Jolasak 6 urtetik gorakoentzat zuzenduta daude, eta ekintzek hamabostean behin antolatuko dira ikasturtean zehar.

Informazio gehiago nahi baduzue idatzi ezazue gazteria@zestoa.eus helbidera