Abendua 2025
— 2025-12-29Irakurri 277. zenbakia hemen.
Albisteak
Zestoako Herri Ikastetxean zaintza kamerak jarriko ditu Udalak
Danbolin— 2022-05-12
Zestoako Herri Ikastetxea (Argazkia: Zestoako Udala)
“Ondare publikoko txikizioak ekiditeko”asmoarekin zaintza kamerak jarriko ditu Udalak Zestoako Herri Ikastetxean. Erakundeak “kezka” azaldu du azken aldian eta bereziki pasa den asteburuan izan diren “txikizioen” aurrean. Udalak adierazi du azken aldian herriko ondare publikoan txikizioak egitea “ohikoa” bihurtzen ari dela, eta ondorioz, erakundea kostu ekonomiko gehigarri bat “bere gain” hartzen ari dela. “Kostu ekonomiko gehigarria kezkatzeko kontua izanda ere, ezta gutxiagorako azkenaldian herriko ondare publikoa apurtzeko zenbaitzuk hartu duten jarrera etengabea” esan du Udalak.
Egindako kalteak “herritar denei” eragiten diela nabarmendu du Udalak, eta horren aurrean neurriak hartzea erabaki du: “Kostu ekonomiko gehigarria kezkatzeko kontua izanda ere, ezta gutxiagorako azkenaldian herriko ondare publikoa apurtzeko zenbaitzuk hartu duten jarrera etengabea. Eskola nagusiko eraikinean segurtasun sistema bat ezarriko da eta kamerak inon jartzea Udal honen gustukoa ez bada ere, aipatu eremuan epe motzean kamerak ere jarriko dira, antzeko jarrerak dituztenak harrapatu eta dagokien zigorrak jartzeko helburuarekin”.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide
Egin zaitez bazkide
