Albisteak

Zestoako KZ Gunea otsailaren 8tik 16ra irekiko da

Otsailaren 8tik 16ra KZ Gunean ikastaroa izango da. Ikastaroan parte hartzen dutenek, android sistema eragilearekin lan egiten duten smartphoneak eta tabletak erabiltzen ikasiko dute. Ikastaroa 16:00etatik 18:00etara izango da Kultur Etxean kokatuta dagoen KZ Gunean eta ikastaroa euskaraz izango da.

Ikastaroan parte hartu nahi dutenek aurrez izena eman beharko duteĀ  tutor.zestoa@kzgunea.net emailean edo 945 062 555 telefono zenbakian.

Bestalde, gogoratu otsailaren 8tik 16ra tutorearen bisita ere izango dela. 16:00etatik 20:00etara izango da Kultur Etxean. Bertan, ondorengo zerbitzuak eskainiko dira: informazio orokorra, izapideak (BakQ), metaposta, aurrez aurreko tutoretzak eta nabigazioa.

Tutoreareukin egoteko aurrez txanda hartu beharko da www.kzgunea.eus/cita-previa webgunean edo 945 062 555 telefono zenbakian (astelehenetik ostiralera 9:00etatik 13:00etara eta 16:00etatik 20:00etara).




Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide