Albisteak
Zestoako XXII. Ibilaldi Neurtua egingo da larunbatean eta aldez aurretik eman behar da izena
— 2024-06-12Agiro mendi klubak XXII. ibilaldi neurtua antolatu du larunbat honetarako, ekainaren 15a. Aurtego proba Urepele egunaren egitarauaren parte izango da. Horregatik ibilbide bakarra eta aurreko edizioetakoa baina laburragoa izatea erabaki dute antolatzaileek. 15 kilometro izango ditu ibilbideak eta herriko plazatik abiatuko da goizeko 8:00etan.
Parte hartu nahi dutenek, herrikrosa.eus atarian eman beharko dute izena, ostirala, ekainaren 14a baina lehen, egunean bertan ezingo da izena eman. Inskripzioak 15 euroko kostua izango du eta parte-hartzaile bakoitzak kamiseta bat jasoko du, irudian Mikel Irure, Agiroko kideak, soinean jantzia daramana.
Irakurle, gure webgunean albiste hau irakurri baduzu, publizitate eta
erakundeen diru laguntzez gain, urtero 30 euroko diru ekarpena egiten
duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure
ekarpena egiten jarraitu nahi dugu. Proiektua sendotzen lagundu nahi
baduzu, egin zaitez bazkide.
Egin zaitez bazkide
Egin zaitez bazkide