Albisteak

Zestoan merkatari elkarteak bideo bat egiteko herritarren laguntza behar du

Zestoan merkatari elkartea erosketak herrian egiteko kontzientziazio kanpainarako bideo bat egiten ari da, antzerki taldearekin elkarlanean. Datorren larunbatean egingo dute grabaketa. Goizean, hainbat sekuentzia grabatuko dituzte herriko dendetan eta arratsaldean, Erdikalean festa giroko beste sekuentzia bat grabatuko dute. Arratsalderako herritarren parte-hartzea beharrezkoa dutela azaldu dute elkarteko kideek. Arratsaldeko 19:30ean izango da hitzordua eta giro polita nagusituko dela nabarmendu dute. Herritarrak bertaratzeko deia egin dute merkatariek. “Erdikalea beteta ikusi nahi dugu, ea denon artean lortzen dugun” gehitu dute.




Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide