Albisteak

Zestoar bat atxilotu du Guardia Zibilak terrorismoa goratzea egotzita

Herritar bat atxilotu du Guardia Zibilak Auzitegi Nazionalaren aginduz gaur goizaldean Azpeitian, 2017ko Gudari Egunari lotuta. EFE berri agentziak jakinarazi du, terrorismoa goratzea eta biktimak umiliatzea egotzita. Beste bi lagun ere atxilotu dituzte bata Etxarri Aranatzen eta bestea Gasteizen. EHUren Farmazia, Gizarte Langintza eta Letren fakultatea ere arakatu du poliziak. Polizia operazioa zabalik dagoela jakinarazi du Espainiako Auzitegi Nazionalak.

Ikasle Abertzaleakek jakinarazi du atxilotuetako batek eguerdiko 13:00etan deklaratuko duela Guardia Zibilaren aurrean.

Atxiloketa hauek salatzeko, elkarretaratzea deitu dute gaur, arratsaldeko 20:00etarako, plazan.

Argazkia: naiz.eus

 

 




Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide