Albisteak

Zestogileak jarraitzeko gogoz

Zestoako AEK euskaltegia— 2025-12-05

Astea joan da aurreko ostiralean Zestoako AEK-ren 10. urteurrena eta Danbolinen 25. urteurrena ospatu genituenetik. Aurkitu dute euren txokoa emoziek gure bihotzetan, eta baita oroitzapenek gure gogoan ere. Ederra izan zen, udazkeneko hotzean bihotzak bete-bete eginda, zestoarren epeltasuna jaso genuen beste behin ere. Esker hitzak besterik ez zaizkigu etortzen.
Mila esker gurekin ospatzera etorri zineten guztioi! Eta, nola ez, esker bereziak festa posible egin zenuten guztioi!
Danbolin eta AEK-ko zestogileoi, beste hamaika urtez, Zestoa euskararen zumitzez osatzeko gogoa piztu diguzue!

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide. Egin zaitez bazkide

Egin zaitez bazkide