Albisteak

Zumaiako elkarretaratzera joateko deia egin du WADNA elkarteak

— 2020-11-20

Saharako egoera salatzeko elkarretaratzea deitu dute Sahara Euskadi Mugimenduak eta Daralhi elkarteak larunbat honetarako. Zumaian izango da hitzordua, eguerdiko 12:00etan, Beheko plazan. Zestoako WADNA elkarteak bat egin du elkarretaratzearekin eta zestoarrei bertaratzeko deia luzatu die.

Bestalde, WADNA elkarteko kideek azaldu dute jendea behar dutela eta herritarrak taldean parte hartzera gonbidatu dituzte. Eskuartean lan asko dutela adierazi dute eta interesa dutenek taldekoren batekin kontaktuan jartzeko eskatu dute.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide