Albisteak
[POSTONTZIA] Berrelkartze hunkigarria Sankristobaletan: Jose Alonso eta Xabino Txurruka, pilotari erretiratuak, berriro aurkitu ziren atzo
— 2024-07-11Atzo, Narrondoko jaietan, euskal kiroleko bi pertsona handiren arteko berrelkartze hunkigarria bizi izan zen. Jose Alonso eta Xabino Txurruka, erretiratutako pilotariak eta jaiotzaz Elgoibartarrak biak, herriko plazan elkartu ziren, ezusteko atsegin baten ondorioz.
Jose Alonsok 60 urte eman ditu Narrondon eta urrun ez bizi arren bizitzak bide desberdinetatik eraman ditu bi lagun horiek. Hala ere, jai giroak aukera ezin hobea eskaini zien atzo berriro elkartzeko.
Argazki batean islatu zuten, bien poza eta adiskidetasuna. Gainera, Xabino Txurrukaren ilobak, biak pilotariak ziren garaietako argazki nostalgiko bat partekatu zuen 1960. urtekoa, pilotalekuan loriazko egunak gogoratuz.
Sankristobalak pozez ospatu zituztela adierazi zuten, izan ere, kirol oroitzapenak berpizteaz gain, denboran zehar iraun duen adiskidetasuna nabarmentzen du, baita bizitzak pertsonak bide ezberdinetatik eramaten dituenean ere.
Egin zaitez bazkide