Albisteak

[ARGAZKIAK] Gaztetxea goraino beteta larunbateko bertsio gauean

— 2019-04-15

Gaztetxea 30. urtemugako ospakizunetan murgildu zen pasa den asteburuan. Egun osoko egitaraua osatu zuten gazte asanbladako kideek. Eguerdiko 13:00ean, herriko hainbat gaztek argazkia atera zuten Laranjadi plazan eta ondoren, bazkari herrikoia izan zen arkupetan. Egunari amaiera borobila emateko, Gaztetxea goraino bete zen bertsio gauean.

Hemen duzue datozen asteetarako prestatu duten egitaraua:

Apirilak 26, ostirala: Bideo emanaldia eta mahai ingurua, 18:00etan. Ondoren, luntxa eta The Oiers talde ondarrutarraren kontzertua.
Maiatzak 2, osteguna (Santakutzak): Entsegua eta afaria, 20:30ean. Danborrada, 22:30ean.
Maiatzak 4, larunbata: Kontzertuak, Ezpalak, Polybius eta Rodeo.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide