Albisteak

Mozorro beldurgarriak soinean eta aurpegiak margotuta atera ziren kalera haur zein helduak, Santu Guztien bezperan, Zestoan. Astearen hasieratik jardun dira herriko haurrak egun hau prestatzen; izan ere, kalabazak husteko tailerrak eta eskulanak egiten eman dute astea Gaztelekuan.

Gau Beltza ospatzeko, aurpegiak margotu zituzten lehenik, eta ondoren hilerrian bildu ziren, kalabazak eta kandelak eskuetan, kalejira isila egiteko plazaraino. Bideo eta abestien artean ibili ziren haur eta gaztetxoak udaletxe azpian, eta arratsaldea borobiltzeko, gaztaina erreak jan zituzten.