Albisteak

Larunbateko ospakizunen artean, Herriarteko Pilota Txapelketako final-zortzirenetako itzulerako partidak ere jokatu ziren. Giro bikaina sortu zen kiroldegiko frontoian eta Andoaindarren aurka jokatutako hiru partidatik bi irabazita, Zestoako pilotariek final laurdenetarako sailkatzea lortu zuten.

Kadete mailan, Urrestilla eta Zabalak partida bikaina egin zuten, eta aurkariei inolako aukerarik eman gabe, 22-0 irabazi zuten. Jubenil mailan, Azkue eta Uriak ez zuten zorterik izan eta 22-9 galdu zuten. Nagusien mailan, ordea, Sasiain eta Odriozolak garaipena lortu zuten 22-16ko emaitzarekin.

Hori horrela, final-laurdenetako partidak jokatuko dituzte larunbatean, hilaren 31n, kiroldegiko frontoian. Oraingoan, Bergara izango dute aurkari.