Albisteak

Bihar, larunbata, jokatuko dute Zarauzko Triatloia, eta horren ondorioz hainbat errepide itxita egongo dira arratsaldean. Zehazki, 14:00etatik 18:30ak aldera iraungo du triatloiak, eta denbora tarte horretan hainbat bide itxita egongo dira autoentzat.

Alde batetik, Zumaia eta Zestoa lotzen dituen GI-631 errepidea itxita egongo da 14:15etik 18:00etara. GI-2633 errepidea, berriz, Zarautz eta Iraeta artean itxiko dute 14:00etatik 18:30era. Hala ere, Iraetatik Aizarnazabalgo bidegurutzeraino zabalik egongo da, noranzko horretan soilik.

Bestalde, AP-8ko Zestoako ordainlekutik irtenda Itziarrerantz bakarrik joan ahal izango da. Zumaiara joan nahi dutenek, Zarauzko ordainlekutik atera eta kostako errepidea erabili beharko dute. Aipatutako saihesbideetan AP-8 autobidea erabili behar duten erabiltzaileei tiket bat emango zaie Zestoako ordainlekuan, ibilbidea doan egin ahal izan dezaten