Azaroa 2025
— 2025-12-03Irakurri 276. zenbakia hemen.
Albisteak
Bihartik aurrera, Enekosauztegi kalea irekita eta aldaketak herrigunerako sarrera-irteeretan
Danbolin— 2025-02-24Hemendik aurrera, herrigunera ezingo da sartu Gurutzeaga kaleko eta Gesalaga kaleko (Arozena parekoa) sarreretatik. Aldiz, orain arte bezala, Toribio Altzaga kaleko sarreratik sartzea posible izango da.
Herriko trafikoa berrantolatzeko egitasmoaren baitan, bihartik aurrera, otsailak 25, goizeko 08:00etatik aurrera herriguneko bigarren sarrera Enekosauztegi kalea izango da. Hau da, aurrerantzean, Zestoako herrigunera sartu ahal izateko bi aukerak Toribio Altzaga eta Enekosauztegi izango dira.
Ondorioz, hemendik aurrera herrigunera ezingo da sartu Gurutzeaga kaleko eta Gesalaga kaleko (Arozena parekoa) sarreretatik. Aldiz, orain arte bezala, Toribio Altzaga kaleko sarreratik sartzea posible izango da.
Herriko irteerak, Gesalaga kalekoa (Arozena parekoa), Gurutzeaga kalekoa eta Toribio Altzagakoa izango dira. Ipintza kalera sartzeko (Kiroldegi ingurura), Gurutzeaga kaleko sarreratik sartzea posible izango da, baina sarrera hori kale horretara joateko bakarrik erabili ahal izango da.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide
Egin zaitez bazkide
