Albisteak
Gaztetxearen desalojoaren gelditzeko eskatzen duten ekintzak egin dira Elizaren aurka
— 2024-01-22Pasa den asteburuan (urtarrilak 14-15), herriko hainbat elizetako sarrailak silikonaz beteta eta sarrerako hormetan “Eliza diruzale, Zestoako Gaztetxearen desalojoa gelditu!” eta antzeko pintadak agertu dira. Igande honetan, berriz, eguerdiko meza garaian, maskara eta buzo zuria soinean zituzten hainbat kide sartu dira Zestoako elizan. Gaztetxearen desalojoaren aukako aldarrikapenak oihukatzeaz gain, paperak bota dituzte lurrera eta “Eliza diruzale espekulatzaile. Gaztetxearen desalojoa gelditu” dioen pankartarekin argazkia atera dute aldare aurrean.
Gazte Asanbladak beraien aldeko elkartasun adierazpentzat jo ditu ekintza guzti hauek.
Argazkiak: Zestoako Gazte Asanblada
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide