Erradikalak gara; bertsoak eta bakarrizketa Zestoan

«Erradikalak zarete» esaten digute, eta «nahi eta behar baino gutxiago» pentsatzen dugu. Bi emakume elkartu gara eta maletak kontraesanez beteta dakartzagu, bertso eta bakarrizketa formatuan. Erraietatik ariko gara, umorez, erroetara iritsi nahian. «Erradikalak gara» esango dizuegu, eta «nahi baino gutxiago» pentsatuko duzue.

‘Erradikalak gara’ ikuskizunaren aurkezpen karta irakurri berri duzue, bertsoa eta bakarrizketa uztartzen duen emanaldiaren presentazioa. Ikuskizunaz gozatzeko aukera izango dugu Zestoan, ekainaren 8an, 22.00etan hasita, Kultur Etxean.