Albisteak

Erregional Preferente mailara igo da Zestoako gizonezkoen taldea

— 2023-05-21

Zestoa Futbol Taldeko gizonezkoen lehen taldeak Erregional Peferente mailan jokatuko du datorren denboraldian. Atzo jokatu zuten denboraldiko azken partida, Iraetan. Idiazabalen aurka jokatu zuten zestoarrek eta garaipena behar zuten mailaz igotzeko. Partida estu baten ostean, 2-1 irabaztea lortu zuten zestoarrek luzapenean.

Partida amaituta Igor Eizagirre “Kixkurra” jokalaria omendu zuten, hogei urteko ibilbidearen ostean taldea utziko baitu. Iraetatik bueltan, herritarrek harrera beroa egin zioten taldeari, txarangaren musikak alaituta, plazan.

Hemen atzo hartutako irudiak:

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide