Albisteak

Gaueko autobus zerbitzu berezia izango da Donostiako Aste Nagusian

Donostiako Aste Nagusia dela eta, autobus zerbitzu berezia eskainiko ditu Lurraldebusek Azkoitia eta Donostia artean hilaren 13tik 20ra bitartean. Zestoatik 00:12an aterako da Donostiara joateko azken autobusa, eta Donostiatik itzultzeko azkena, berriz, 1:05ean irtengo da.

Bestalde, Lurraldebusek jakinarazi du Askatasunaren hiribidea itxi egingo dutela egun horietan, iluntzeko 21:30etatik aurrera. Horrenbestez, geraleku aldaketak egongo dira Zestoatik 21:12ean irteten den zerbitzuan eta ondorengoetan eta Donostiatik 22:05ean irteten denean eta ondorengoetan. Hori horrela, Azkoitiatik ateratzen diren zerbitzuek Donostiako erdigunean Urbieta 26. zenbakian egingo dute geltokia, eta Donostiatik ateratzen direnek, San Martin 54. zenbakian.

 

 

 

 




Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide