Albisteak

Gaur arratsaldean jokatu dira Zoroperitako Pilota txapelketako aurreneko partidak

— 2022-12-17

Bi urteko etenaren ostean, bueltan izango da aurten Zoroperitako pilota jaialdia. Aurten txapelketa formatua eman dio Abantzu Pilota Klubak lehen aldiz jaialdiari. Gaur jokatu dira finalaurrekoak, eta hilaren 26an jokatuko da finala. Aurreneko partidoan Sasiain-Garmendia bikotea gailendu zao Arteaga-Alkantara ri 22-15eko emaitzarekin. Bigarrengoan, berriz, Espinal-Alonso bikoteak irabazi du Txapei III-Erasun bikotea 7an utzita.

Zoroperi eguneko jaialdian beraz, Arteaga-Alkantara eta Txapei III-Erasun bikoteek jokatuko dituzte 3 eta 4. postuak. Ondoren, harri jasotzaileak izango dira eta jarraian, Sasian-Garmendia bikotea eta Espinal-Alonso aurreneko eta bigarren postuetarako lehiatuko dira.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide