Albisteak

DBHko gazteek, Agiro Mendi Kluba-ren eta Gaztelekuaren laguntzarekin mendi irteera bat antolatzera doaz. Ekintza, nerabeen parte-hartze prozesuaren baitan sortutako iniziatiba da, eta udako asteburu batean egitea aurreikusten dute.

Plana egituratzeko lehen bilera ostegun honetan, maiatzak 28, egingo dute, arratsaldeko 18:30ean Gaztelekuan. Antolatzaileek interesa duten gazte guztiak animatu dituzte parte hartzera eta proposamenak egitera.

Joan den urtean Debatik Lasturrera egin zuten mendi-zeharkaldia lehen egunean, eta gaua Lasturko aterpetxean pasa ostean, Lastur eta Itziar arteko bidea osatu zuten hurrengo egunean. Ibilbidean hainbat geldialdi eta esperientzia bizi zituzten: besteak beste, Arbil 1 kobazuloan sartu ziren, eta Arbil, Saltsamendi zein Andutz gailurrak igo zituzten.