Albisteak

Igande honetan amaituko da “Preziyo juxtua” lehiaketa

Zestoa, Azpeiti eta Azkoitiko merkatari elkarteek elkarlanean antolatutako Prezio Justua (“Preziyo juxtua” Zestoan) lehiaketa igande honetan amaituko da. Hilabete hasieran jarri zuten martxan lehiaketa eta dagoeneko, 550 erantzun jaso dituzte Zestoan. Herritarrek lehiaketan parte hartzeko denbora dutela gogorarazi dute antolatzaileek, “igandera arte erakusleihoko prezioa asmatu eta produktu bikain horiek etxera eramateko aukera duzue” azaldu dute. Parte hartzeko, Zestoan merkatari elkarteko establezimenduetan erosketak egitean dendariek banatutako kodedun txarteleko jarraibideak aintzat hartu behar dira. Antolatzaileek herritarrei parte hartzeko deia luzatu die.

Parte hartzeko egin klik hemen.

 

 




Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide