Albisteak

Urriaren 1ean Katalunian egitekoak diren erreferendumari babesa adierazi diote hainbat zestoarrek, EH Bilduk deitutako elkarretaratzean. Ostiral arratsaldean Zestoako plazan egin da bilkura “Erreferenduma = Demokrazia” lelopean. Turista moduan Zestoara etorritako kataluniarrek ere parte hartu zuten elkarretaratzean, eta amaieran beraien esker ona adierazi zieten parte hartu zutenei.

Giza katea egingo da Zestoan urriaren 1ean

Espainiako Guardia Zibila Katalunian egiten ari den operazioen larritasuna ikusirik, eta urriaren 1eko erreferenduma galarazteko Espainiako Gobernua bultzatzen ari den neurri antidemokratikoei erantzunez Zestoako Gure Esku Dago herri ekimenak giza katea egingo du urriaren 1ean plazatik hasita. Honako manifestu hau kaleratu du Gure Esku Dagok.

Arroarrak Bartzelonara joango dira urriaren 1ean

Erabakitzeko eskubidearen alde eta Kataluniar herriari elkartasuna adierazteko Bartzelonara joateko autobusa antolatu dute Arroabean. Urriaren 1ean Arroatik 0:00etan irten eta 17:00etan Bartzelonatik itzulera egingo dute. Joan etorriak 35euroko kostua izango du guztira. 50 pertsona elkartuz gero autobusa egongo da, bestela ez. Larunbat gauera arte Arroarrak bakarrik izango dute apuntatzeko aukera, hortik aurrera inguruko herrietakoei irekiko zaie aukera. Izena emandako ordena errespetatuko da. Azken eguna astelehen gaua. Apuntatzeko bidali zure izena whasapez 634570337 / 665751006 zenbakietara.