Otsaila 2026
— 2026-03-02Irakurri 279. zenbakia hemen.
Albisteak
Musika izango da protagonista Gaztetxearen XXIX. urteurreneko azken asteburuan
Danbolin— 2018-04-25Gaztetxearen XXIX. urteurreneko ospakizunei amaiera emango diete datorren asteburuan. Ostiraletik larunbatera musika izango da protagonista nagusia. Ostiralean, hilak 27, Rural Zombies eta Sofa taldeen kontzertuak izango dira iluntzeko 22:30ean hasita. Sarrera 5€takoa izango da.
Larunbaterako aldiz, egun osoko egitaraua antolatu dute gazte asanbladako kideek. 14:30ean bertso bazkaria egingo dute Gaztetxean. Aitor Bizkarra, Jon Gurrutxaga eta Aitor Salegi bertsolariak arituko dira bertsotan. Arratsaldeko 18:30ean, herriko kaleak girotuko dituzte “bafle poteoarekin”. Eguna amaitzeko, bertsio gaua egingo dute gaztetxean, iluntzeko 22:30ean hasita. Ondoren, Gorpuz Kingz taldearen kontzertua.
Oharra: Bazkarirako txartelak Uztapiden eta Gaztetxean daude salgai 12€ren truke.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide
Egin zaitez bazkide
