101 Arrazoi egitasmoaren baitan, Oletako estazio megalitikora bisita gidatua antolatu dute Agiro mendi klubak, Anaitasuna Mendi Bazkunak, Sokaitz eskalada taldeak, Lagun Onak Mendi Bazkunak eta Oletan ere ez! nahiz Sañu Bizirik! plataformek. Datorren igandean, hilak 22, izango da hitzordua. Azpeitiko Antxieta arkeologia taldeko kideek gidatuko dute saioa, eta Iruarrietako trikuharriak eta Dolmenak eta Oletako eta Pagobakarreko tumuluak bisitatuko dituzte.
Irteeran parte hartu nahi dutenek aurrez eman beharko dute izena eskolan edo kiroldegian, bost euroren truke. Izena emateko azken eguna hilaren 19a izango da. Autobusa goizeko 08:45ean abiatuko da Gurutzetik.