Joseba Irureta Irureta – 1967-2016 –

Asurtzu-Erloko proiektua Izarraitz eremuko dimentsioa hartzera doanean, momentu ona iruditu zaigu aztarnategi berezi hau aurkitu zuen gure taldekide Joseba Irureta  gogoratzeko.

2006an Ikulluteko Gaine – Erlo aztarnategian zundaketak egiten ari ginela, bueltatxo bat egitera joan eta han etorri zen esanez : “aurkitu diat! hortxe goian beste leku bat hau baino hobeagoa zegok!!!”

Arkeologia eta natura orokorrean maite zituen eta urteetan elkarrekin miatu genituen hainbat kobazulo. Makina bat lokatza eraman genuen etxera. Urola, Deba eta Oria bailarako kobazulo guztiak astindu genituen, aurkikuntza ugari lortuz.

2016ko Martxoaren 24an utzi gintuen gaixotasun larri baten ondorioz. Normalean ixil ixilik hainbeste eman dutenei, bizi direnean ez zaie nahikoa eskertzen.

Eskerrikasko Joseba! hainbat momentu onengatik!!