Albisteak

Otsaileko egitaraua aurkeztu du gazte asanbladak

— 2022-02-02

Zestoako Gazte Asanbladak otsaileko egitaraua iragarri du. Hilaren 11n, Lamiak eta Pelax taldeek kontzertu bana eskainiko dute iluntzeko 22:30ean hasita. Otsailaren 15ean, “Zer ari da gertatzen Ukrainian eta Sirian?” hitzaldia eskainiko dute Siriaren aldeko Euskal Herriko Elkarteko kideek arratsaldeko 18:30ean, Alonderoko kultur aretoan. Hilaren 20an, film emanaldia izango da 18:30ean hasita eta otsaila amaitzeko pintxo-potea eta dardo txapelketa egingo dituzte, hilaren 24an, 18:30ean.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide