Horratx nire kajoia ikusgai, norbait alkatearen kajoiaz oso kezkatua bizi dela jakinik.

Bide batez, udal langileei pankartak kentzeko agindu bortitzak ematen dizkiedala eta, zinez egia da; benetan, ze arraroa pankartarik gabe Zestoa!

Gaztetan gure herriko tabernetan erregetoi eta antzekoen estorburik gabe, maiz Xabier Leteren aho bizarrik gabeko letrak genituen kantagai eta azkenaldian orduan buruz ikasiak, “teologia, ideologia” sortako bi bertso hauek sarriegi datozkit burura:

“Handik aurrera Adan jartzen da

su ta gar kausaren alde,

folleto batzuk eman diozkate

hutsaren truke, debalde,

Marx eta Lenin irakur ditzan

gehiegi nekatu gabe,

hiru astean egiten zaigu

fede berri baten jabe

Eta horrela bihurtzen dira

teologiak programa,

nolabaitean arindu nahirik

gizonak daraman zama.

Ez baldin badu guztiz galdu nahi

nahiko eskas duen fama

Mosku aldera itzul liteke

Erromako elizama”

Madarikatuak gu, inoiz iraultza galduetan zaildu eta gaur burgesiaren atzaparretan eroriak!

ALKATEA