Albisteak

Gaur eta bihar ospatuko dira Lasaoko San Martin jaiak. Sagardo-dastaketa, pintxoak eta trikiti bingoa izango dira aurtengo lehen protagonistak, eta auzoa girotzeko prest dira lasaoarrak.

Gaur arratsaldean emango zaio hasiera ospakizunei. 20:30ean piztuko da jaien lehen sua, txupinazoarekin. Arsuaga anaiak arduratuko dira giroa berotzeaz, trikitilarien erritmoarekin batera. Handik gutxira, 21:00etan, auzoa festarako prest izango da, musika eta giro ona nagusi.

Biharkoa, berriz, auzoko txikien eguna izango da. 13:00etan, gaztetxoek hartuko dute protagonismoa: euren txupinazoa botako dute, eta buruhandiak lagun, bazkaria egingo dute ondoren. Arratsalde partean, 16:00etan, puzgarriak jarriko dira frontoian, ume eta gaztetxoentzat.

Gauean iritsiko da festetako ekintza nagusia, 20:30ean bertso afariko hitzordua izango da. Bi bertsolari handi ekarriko dituzte Lasaotarrek: Amets Arzallus eta Andoni Egaña. Haien ondoren, Itzeber eta Txibilter trikitilariek giroa goxatuko dute.