Albisteak

Txapelen omenezko bertso saioan izango da Aitor Salegi zestoarra

— 2018-12-17

Urtero legez, Eusebio Eizmendi Txapel bertsolariaren omenezko bertso saioa antolatu du Erniarritz bertsozale elkarteak. Datorren hilaren 20an izango da, osteguna, iluntzeko 22:00etan hasita, Azpeitiko Soreasu antzokian. Aitor Salegi bertsolari zestoarrak omenaldian parte hartuko du Maialen Lujanbio, Andoni Egaña, Amets Arzallus, Iker Zubeldia eta Alaia Martin bertsolariekin batera. Gai jartzaile lanetan, Haritz Etxeberria Ministro harituko da.

Sarrerak salgai Portalen

Zestoan, Portale Kultur Elkartean eros daitezke sarrerak 8 euroren truke. Egunean bertan ere erosi ahalko dira Soreasuko lehiatilan, 10 eurotan.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide