Albisteak

Urola bailarako mapa turistikoa aurkeztu da Zestoako Bainuetxean

— 2017-07-18

Astearte goizean, Zestoako Bainuetxean Urola bailarako turismo eskaintza biltzen duen eskuorria aurkeztu dute Iraurgi Berritzen garapen agentziak, Urola Turismoak, Euskadi Basque Countryk eta Explore San Sebastian Regionek.

Aurkeztutako eskuorria Urola bailararen mapa bat da, eta maparen atzealden bailarako herri bakoitzaren turismo eskaintza azaltzen da. Zestoaren kasuan Ekainberri museoa eta Lili Jauregia dira eskaintzarik nabarmenenak. Gainerako herriei dagokienez Jorge Oteizaren Azkoitiko zazpi frontoiak, Loiolako Santutegia, Burdinbidearen Euskal Museoa eta Zumaiako itsaslabarretako parajeak dira eskaintzarik nabarmenenak.

Azpiko irudietan ikus ditzakezue eskuorriaren bi aldeak:

Argazkiak: Urola Turismo

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide