Badira 2 urte Zestoa Herri Hezitzailea lan-taldea osatu zela herrian: Herri Eskolako eta Zestoako Udaleko ordezkariez gain, Ekain Guraso Elkartea eta beste hainbat herritarrek osatzen dugu taldea. Orain arteko ibilbidean haurren benetako parte hartzea eta erabakitzeko ahalmena sustatzen aritu gara (amabirjinetako egitaraua haurrekin osatzen, udaleku irekietako programazioa…) eta baita haurren eremuak direnak auzolanean txukuntzen ere (eskolako portxe txikia).

Datozen asteotan auzolan berri bati ekiteko asmoa dugu txanpiñoiko (HH2-HH3 eraikina) atarian. Haur txikienen espazioa izanik, oso leku ilunadelakoan gaude, eta kolore eta alaitasun pixkat eman nahi diogu. Horretarako, Herri Eskolaren eta Zestoako Udalaren laguntza dugun arren, lanak aurrera eraman ahal izateko guraso eta herritarren laguntza ere ezinbestekoa izango da.

Auzolana otsailaren 17a eta martxoaren 10a bitarteko larunbatetan izango da, goizez zein arratsaldez. Auzolanean parte hartu nahi duen oro, jar dadila gurekin harremanetan: zestoaherrihezitzailea@gmail.com

Zestoa Herri Hezitzailea lan-taldea