Albisteak

Zestoako Antzerki Hamabostaldia – Egitaraua

Ekainaren 26tik uztailaren 8ra bitartean Zestoako Antzerki Hamabostaldia opsatuko da. 6 antzezlan ezberdin ikusteko aukera izango da. Hemen duzue egitaraua:

  • Ekainak 26 eta 27: “Amaren etxea” antzezlana. Bigarren mailako ikasleek Federico Garcia Lorcaren “La casa de Bernarda Alba” ezagunaren moldaketa bat eskainiko dute.
  • Ekainak 28, 29 eta 30: “Hysteria” antzezlana. Amancay Gaztañagak idatzitako lehen obra. Komedia gazi-gozo honetan “histeria femeninoa” gaitz ezagunaren nondik norakoak bizi ahal izango dituzte ikusleek.

  • Uztailak 1: “Jo aurretik” antzezlana. Haurrei zuzendutako antzerkia Mikel Ibargurenen gidaritzapean.
  • Uztailak 2, 3 eta 4: “Kruzadak” antzezlana. Michel Azama antzerkigilearen poema dramatikoan oinarritutako antzezlana. Antzerkiak gerraren inguruko historia kontatzen du.
  • Uztailak 5, 6 eta 7: “Hamlet gorroto dut” antzezlana. Paul Rudnicken antzezlan honetan, Andy telebistako aktore ospetsuaren nondik norakoak ikusteko aukera izango da.
  • Uztailak 8: Artedramak ekoiztutako “Hozkailuak” antzezlana, Patricia Urrutia eta Ander Lipus aktoreen eskutik.

Sarrerak Mairi dendan (estankoan) egongo dira salgai. Aurten bonu berezi bat atera dute antzezlan guztietaz gozatu nahi dutenentzat, baina banaka ere erosi ahal izango dira, urtero bezala.

Argazkia: Eider Iturriaga




Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide

IRUZKINDU

Zure helbide elektronikoa ez da publiko egingo. *

Danbolin ez da hemen emandako iritzien kargu egiten.

Ez da irainik onartuko.

Danbolineko lan-taldeak, beharrezkoa izanez gero, edukiak ezabatzeko eskubidea du.