Albisteak

Zestoako neskek Donosti Cup lehiaketako Europa Leagueko final-laurdenak jokatuko dituzte

— 2021-07-08

Zestoako nesken Donosti Cup lehiaketako ibilbideak aurrera jarraitzen du. Lehiaketako lehen faseko hiru partidak galdu zituzten arren, Europa Leagueko final-laurdenetara sailkatzea lortu dute.

Madril C.F.F.C, WWS Barcelona eta Intxaurdi A taldeekin batera osatu zuten lehen faseko taldea. Talde horretan laugarren sailkatu ziren zestoarrak (lehenengo biak Champions League jokatzen dute eta azken biek Europa League) eta hori dela eta, Europa Leaguera sailkatu ziren atzo. Gaur eguerdian jokatu dute bigarren fase horretako lehen partida, Antigua Luberriren aurka, Oiartzunen. 1-0 irabazi dute, June Idiazabalen golarekin. Final laurdenetako partida gaur, arratsaldeko 19:30ean jokatuko dute, Touringen aurka, Irunen.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide