Albisteak
San Tomas egunean jaso du saria Eromen Produzioak taldeak
— 2016-12-22Zestoako Eromen Produkzioak taldeak Azpeitiko Antzerki Topaketetan parte hartu zuen. Zehazki, azaroaren 18an eskaini zuten Sweeney antzezlana.
Ondoren, Abendu hasieran, Antzerki Topaketetako antolatzaileek obra sarituak zein ziren jakinarazi zuten, eta publikoaren saria zestoarrek irabazi zutela jakin genuen.
Horrela, San Tomas egunean (abenduaren 21ean) Eromen Produkzioak-eko kideak Azpeitiko Udalean izan ziren saria jasotzeko. Taldekideek adierazi dutenez, azpiegitura eta materialetan inbertituko dute irabazitako saria, horretan baitute beharrik handiena.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide