Arroabean denda baten falta nabari du Ezkaizto Auzo Elkarteak. Hori dela eta, jendearen erosteko ohiturak eta iritzi ezberdinak jasoko dituen inkesta bat sortu dute. Inkesta bi formatutan egin dute, paperean eta sarean. Udaleko maskara berrerabilgarriak banatzearekin batera banatu dituzte papereko inkestak. Behin galderak erantzunda, Txomin eta Lurdes tabernetan jarriko diren postontzietan botatzeko aukera izango dute auzotarrek. Bestalde, galdetegia online erantzuteko aukera dago hemen. Ekainaren 30a izango da galdetegia erantzuteko azken eguna.