Albisteak

Ekain guraso elkarteak batzar nagusirako deia egin du maiatzaren 18rako, astelehena. Bilera 17:30ean izango da eskolako areto nagusian.

Hiru gai nagusi izango dituzte hizpide batzarrean. Batetik, urteko balantzea eta kudeaketa aztertuko dituzte; bestetik, partaide berrien aukeraketa egingo dute, idazkari eta diruzain karguetarako; eta, azkenik, Eskola Kirolean izango diren aldaketen berri emango dute.

Antolatzaileek azaldu dutenez, Foru Aldundiaren eskutik hainbat aldaketa izango dira hurrengo ikasturtean Eskola Kirolean, eta horien inguruko informazioa partekatuko dute bileran.

Bestalde, behar dutenentzat zaintza zerbitzua egongo dela jakinarazi dute. Bilera euskaraz izango da, baina itzultzailea ere egongo dela adierazi dute.